Честото селење на ексклузивните права од еден на друг спортски канал го отежнува редовното следење на спортските натпревари од страна на љубителите на фудбалот и на другите спортски дисциплини.
Впрочем, тоа дојде до израз и оваа година кај граѓаните што соработуваат со кабловските оператори чии спортски канали ги загубија правата за некои од елитните европски фудбалски лиги, за американската НБА-кошарка итн.
Сепак, на интернет постојат многу канали и платформи каде може во живо да се следат спортски натпревари, а еден од нив е http://sw.freestreams-live1.com/ , каде може да се следат фудбалски натпревари, американските НБА и НФЛ лиги, како и тенис, мото и боречки спортови итн.
Кога немаат доволно време за да го следат цел натпревар, а сепак сакаат да бидат во тек со спортските резултати, љубителите на спортот може да се информираат за резултатскиот тек на натпреварите на повеќе специјализирани сајтови.
Меѓу оние што важат за најпопуларни и најпосетувани се https://www.livescore.com/en/ , https://www.rezultati.com/ , додека за спортските резултати тековно информираат и многу домашни спортски обложувалници на нивните официјални интернет-страни.
