Келнер кој ќе се вработи во Содерсторф (Долна Саксонија) во Германија може да заработи дури 11.000 евра месечно. Имено, ваква плата нуди ресторан од наведеното место. Како што пишуваат германските медиуми, ресторанот очајнички се обидува да пронајде кадар за работа што му недостасува.
Ретко која друга индустрија претрпела толку многу од пандемијата на коронавирус како рестораните и хотелите. Бизнисот сега расте, гостите се враќаат, но на гастрономијата и недостигаат десетици илјади вработени. Ресторанската индустрија сега страда од недостиг на работна сила, велат надлежните.
„11.000,00 евра. Од сега!”. Филип и Кристина фон Стум се рекламираат во Содерсторф, Долна Саксонија со овој знак. Тие се сопственици на стара дрвена фарма со ресторан каде се одржуваат семинари и разни настани. Теоретски“ – изјави Филип фон Стум за германските медиуми, дека може да организира 50 свадби овде секоја година.
Има доволно интерес, но нема доволно работна сила. Поради ова, тој може да се согласи да организира меѓу 10 и 15 свадби годишно.
Примерот на ресторан од Долна Саксонија не е единствениот. Германската агенција за вработување објави 33.160 слободни работни места во угостителството во јуни годинава.
Во Германија има недостиг од повеќе од 66.000 готвачи, помошници во кујна, келнери и друг сервисен персонал. Поради недостиг на персонал, рестораните воведуваат повеќе слободни денови за работниците и им го скратуваат менито и/или работното време.
„Институтот Ifo неодамна дури и дошол до заклучок дека угостителството во Германија е во пораст. Барем во големите градови, како Минхен, Берлин, Хамбург, Штутгарт и Дрезден – продажбата сега е значително подобра од 2019 година.
Тоа вреди дури и ако ја исклучите инфлацијата што преовладува од тогаш. Компаниите можеа да пренесат дел од зголемените трошоци за персонал, храна и енергија, без гостите да се оддалечат“, пишуваат економистите.
Во Берлин, на пример, продажбата е за околу 60 проценти повисока отколку пред пандемијата. Во другите градови растот е меѓу 25 и 35 проценти. Но, платите исто така се зголемија во просек низ целата земја, иако добивките во руралните области беа помали, пишува списанието Fenix.
Сепак, иако индустријата оди добро, премал број вработени сакаат да работат таму. Напротив, многумина заминуваат и не се гледаат себеси во туристичката индустрија на долг рок.
