Ременски денеска ќе дава исказ кај Русковска

Пратеничката Фросина Ременски утрово треба да се појави во Обвинителството за гонење на организиран криминал и корупција, каде што треба да даде исказ како осомничена во истрагата за „Меѓународен сојуз“.

Таа два дена вршеше увид во доказите кои во истрагата ги прибрала обвинителкаата Вилма Русковска.

Вчера пак исказ даваше осомничената Јасна Мандиќ, која е потпретседателка на невладината организација „Меѓународен сојуз“.

Другите осомничени во овој случај Бојан Јовановски познат како Боки 13, неговиот татко Миле и асистентката Христина Блажевска исказ треба да дадат во петок.