Речиси 60.000 луѓе со Ковид починале во Кина за еден месец

Кина денеска соопшти дека речиси 60.000 луѓе со Ковид-19 починале во болниците откако државата ненадејно ја прекина политиката на нулта толеранција на коронавирусот на почетокот на декември.

– Меѓу 8 декември и 12 јануари, вкупно 59.938 луѓе со просечна возраст од 80,3 години починале во кинеските болници од коронавирус, рече на брифингот со новинарите директорката на Бирото за медицинска администрација при Националната здравствена комисија, Џиао Јахуи.

Таа рече дека 5.503 смртни случаи се предизвикани од респираторни проблеми поради Ковид-19, додека 54.435 се резултат на комбинација на коронавирус и други болести.

Кога станува збор за починатите, 90,1 отсто биле на возраст од над 65 години.