Актуелната инвазија над Украина беше актуелна и на синоќешното 75-то доделување на филмските награди на Британската академија (БАФТА) чии организатори искажаа зборови на поддршка за украинскиот народ, а водителката и актерка Ребел Вилсон му покажа среден прст на рускиот претседател Владимир Путин.
-Во овој настап имаме двајца преведувачи на знаковен јазик, едниот покажува американски знаковен јазик, додека другиот е задолжен за британскиот. За среќа, на сите знаковни јазици ова е порака за Путин, рече таа, кревајќи го средниот прст, а публиката ја награди со громогласен аплауз.
Бенедикт Камбербач, чиј филм „Моќта на кучето“ беше прогласен за најдобар филм, во меѓувреме пристигна со пин со знамето на Украина на реверот пред да изјави за британската Скај њуз дека се надева дека ќе помогне да се сместат бегалците од конфликтот.