Распишани се четири потерници за лица поврзани со трагедијата во Кочани

Министерот за внатрешни работи, Панче Тошковски на денешната втора прес конференција соопшти дека е распишана потерница по 4 лица, во врска со трагедијата во дискотеката во Кочани.

Како што рече Тошковски, се прибираат податоци и од Министерството за економија.

„Распишана е централна потерница за 4 лица. Во координација со ЈО се постапува во овој момент и во Министерството за економија, од каде се обезбедува документација поврзана со предметната дискотека, како и лица поврзани со истата“, рече Тошковски.