Поранешниот генерален секретар на Владата, Драги Рашковски, останува во куќен притвор, односно Обвинителствот за гонење на организиран криминал и корупција не побара мерка притвор, иако денеска поднесе обвинение против Рашковски и уште шестмина.
-Ценејќи дека околностите врз основа на кои на првообвинетиот и четврто обвинетиот им се определени мерки за обезбедување се непроменети и дека целта на куќниот притвор, определена од судија на претходна постапка, не би можела да се оствари со некоја друга мерка за обезбедување, предметниот обвинител со Обвинителниот акт достави и посебен предлог за продолжување на куќниот притвор спрема двете лица, велат од Обвинителството.
Оттаму додаваат и дека замрзнат е имот во износ од над 5 милиони денари.
-Исто така, со обвинителен акт согласно чл.118 ст.2 в.в со чл.120 од ЗКП, е предложено да биде определена привремена мерка за обезбедување на имотно – правно барање на износ од 5.050.000,00 денари, за сторената штета во вкупен износ од 18.794.137,00 денари што настанала поради извршување на кривичното дело, велат од Обвинителството.