Рама: Дијалогот меѓу Србија и Косово трае долго

Дијалогот на Србија и Косово долго трае, а не му се придава потребното значење, смета премиерот на Албанија Еди Рама.

-Дијалогот меѓу Белград и Приштина е оставен на ниско ниво, наместо да биде на врвот на приоритетите – рече Рама на годишната конференција „Состојба на Унијата“ во Фиренца.

Според него, мора да се вложат максимални напори за да се дојде до шенгенскиот простор во кој се применуваат европските слободи, слободното движење на луѓето, стоката, капиталот и услугите.