Рускиот претседател Владимир Путин денеска им го честиташе на граѓаните на Русија Денот на обединувањето на Доњецката и Луганската народна република, регионите Херсон и Запорожје со Русија.
„Ние работиме на тоа со години, низ тешки искушенија, знаевме во какви неподносливи услови на континуирано гранатирање и блокада живееше Донбас долги осум години, на какво угнетување беа изложени жителите на Новорусија. Се одмаздивме на неонацистичката диктатура , која сакаше да ги оттргне од нивната историска татковина, од Русија“, рече Путин, а пренесува РИА Новости.
Тој нагласи дека Русија се обидела да постигне мирно решение на конфликтот, но дека преговорите завршиле со измама на западните елити, кои за тоа време, како што наведе, ја претвориле Украина во своја колонија и воена отскочна даска насочена кон Русија.
Според Путин, натамошниот развој на настаните целосно ја потврди потребата од специјална воена операција.
Тој им се заблагодари на граѓаните за единството и патриотскиот дух.
„Вистината е на наша страна. Сите поставени цели ќе бидат постигнати“, рече Путин.
На крајот на септември 2022 година, беа одржани референдуми во самопрогласените Доњецк и Лугански народни републики, регионите Керсон и Запорожје во Украина, на кои огромното мнозинство гласачи се изјаснија за приклучување кон Русија.
