Путин ѝ се закани на Украина по вчерашниот напад: „Ќе зажалите“

Рускиот претседател Владимир Путин вети поголемо „уништување“ на Украина по саботниот напад со дрон врз зградите во Казан, за што Москва го обвинува Киев.

– Секој што ќе се обиде да уништи нешто во нашата земја, без разлика колку е мало, ќе се соочи со многу поголемо уништување во сопствената земја и ќе зажали што се обидел да и направи нешто на нашата земја – рече тој за време на официјалната церемонија, коментирајќи го нападот во саботата во Казан, на околу 1000 километри од украинската граница.

Според локалните власти, погодени се станбени згради, но нема жртви.