Рускиот претседател Владимир Путин денеска му ја честиташе 30-годишнината од функцијата на претседателот на Белорусија, Александар Лукашенко, нагласувајќи го неговиот придонес во развојот на односите со Русија.
Во својата честитка, Путин наведува дека целата модерна историја на Белорусија, која е „обележана со изградба на современи државни институции и значајни успеси во социјалната и економската сфера, е нераскинливо поврзана со Лукашенкo“, објавена на веб-страницата на Кремљ.
„Белоруските гласачи шест пати по ред ви ја доверуваа највисоката позиција во владата, што несомнено сведочи за вашиот огромен авторитет меѓу вашите сонародници“, посочи Путин.
Путин, исто така, истакна дека Лукашенко придонел за развојот на пријателските односи и плодната соработка меѓу Белорусија и Руската Федерација, пренесе агенцијата Интерфакс.
Рускиот претседател рече дека со задоволство би ја продолжил конструктивната соработка со Лукашенко и, како што навел, „пријателскиот дијалог и блиската тимска работа“.
