Владимир Путин ја преселил својата суперјахта вредна 100 милиони долари од германско бродоградилиште во Русија само неколку недели пред да нареди инвазија на Украина, според тајните документи објавени во новата истрага, објави „Градијан“
Руска антикорупциска организација формирана од затворениот опозициски лидер Алексеј Навални тврди дека мејловите покажуваат дека рускиот претседател наредил итно преместување на суперјахтата долга 82 метри, наречена „Грациозно“ од бродоградилиште во Хамбург, каде што бил на ремонт за 32 милиони долари, до февруари 2022 година.
Фотографиите покажуваат дека бродот е извлечен од Хамбург на седми февруари на пат кон рускиот град Калининград.
Петнаесет дена подоцна Путин нареди целосна инвазија на Украина. По инвазијата, САД, Обединетото Кралство и ЕУ воведоа санкции за имотот во сопственост на Русија во странство, а десетици суперјахти во сопственост на олигарси беа запленети низ целиот свет.
Јахтата со кодно име Косатка, или Кит убиец, кој има 15-метарски затворен базен кој може да се претвори во подиум за танцување, е само една од неколкуте суперјахти поврзани со Путин.
Во електронска пошта испратена до бродоградилиштето Блом+Вос во Хамбург на 19 јануари 2022 година се вели: „Сопственикот сака ‘Грациозно’ да биде донесен во Руската Федерација на 1-ви февруари… Ве молиме мобилизирајте непрекинат екипаж – две смени“. Продолжува: „Ве молиме забрзајте ги сите работи што може да го попречат испловувањето на „Грациозно’ на 1 февруари“, објави Гардијан.
Во мејловите пишувало дека сопственикот сакал да го однесе бродот до Руската Федерација за да ги заврши работите.
„Сопственикот не е задоволен од реконструкцијата. Тој е незадоволен од доцнењата во градежниот процес“, се вели во електронска поштата од „СЦФ Груп“ , најголемата руска бродска компанија. Работата се очекуваше да трае повеќе од една година.
Ова е објавено во извештајот на руската истражувачка новинарка Марија Певчих, која ја предводи антикорупциската фондација формирана од Навални, пренесе Гардијан.