Турскиот претседател Реџеп Таип Ердоган денеска телефонски разговараше со неговиот руски колега Владимир Путин за можностите за извоз на други прехранбени производи и стоки долж таканаречениот „коридор за жито“ низ Црното Море, соопшти турското претседателство.
Како што е наведено, за време на телефонскиот разговор Ердоган и Путин разговарале и за билатералните односи, енергетиката и за борбата против тероризмот.
-По Црноморскиот хуманитарен коридор се транспортирани над 13 милиони тони жито, а можен е и извоз на други прехранбени производи – рекол Ердоган во телефонскиот разговор.
Турскиот претседател ја изрази и својата „искрена надеж за скорешен крај на војната меѓу Русија и Украина”.
Ердоган исто така му рекол на Путин дека чистењето на границата на неговата земја со Сирија од терористи на длабочина од најмалку 30 километри е приоритет за Анкара.