Пукотници на северот на Косово, Вучиќ на средба со воениот врв

Денеска се слушнале истрели во Зубин Поток, на северот на Косово.

До пукањето дошло кога специјалните сили на Косово се обиделе да ја отстранат барикадата на алтернативен пат.

Ова е втор случај на пукање и детонација за два дена во Зубин Поток.

Според информациите од местото на настанот, Албанците насилно се обидуваат да ја окупираат полициската станица.

Веднаш по инцидентот, претседателот на Република Србија, Александар Вучиќ одржа средба со премиерката Ана Брнабиќ и воениот врв.

Началникот на Генералштабот, генерал Милан Мојсиловиќ, веднаш по средбата, итно заминал во Рашка.