Пукање во Приштина – едно лице убиено, најден запален автомобил

Истрели од огнено оружје се слушнале вечерва на улицата „Ц“ во Приштина и едно лице е убиено, јавуваат косовските медиуми.

Агрон Боровци, портпарол на косовската полиција за регионот на Приштина, за медиумите изјави дека е пронајден опожарен автомобил кој наводно им припаѓал на лицата вмешани во овој случа.

„Оперативните дејствија што ги презема полицијата, подалеку од местото на настанот, резултираа со пронаоѓање на автомобил зафатен од пламен, за кој постои сомневање дека е автомобилот што го користеле осомничените инволвирани во случајот“, рече тој.

МКД.мк објави дека убиениот бил во возило со македонски таблици, но ваква информација засега не пренесуваат косовските медиуми, а не е потврдена ниту од македонските институции.