Пукање во Ѓорче Петров – маж завршил во болница

Маж на возраст од 31 година вчера завршил во болница со прострелна рана откако во него пукале две лица. Инцидентот се случил ноќеска пет минути по полноќ.

-Во СВР Скопје било пријавено дека на подрачјето на Ѓорче Петров во Скопје, две лица пукале кон А.В.(31) од Скопје и му нанеле прострелна рана. Од пукањето било оштетено и едно паркирано возило „цитроен“. А.В. бил пренесен во Градската општа болница „8 Септември“ за укажување помош, а увид на местото извршила екипа на СВР Скопје, соопшти МВР.

Се преземаат мерки за расчистување на случајот.