Пукање и сообраќајка во Маџари, еден повреден, двајца приведени

Едно лице е повредено во престрелка која се случила попладнево во скопската населба Маџари. Како што дознаваме од МВР две лица се приведени во инцидентот кој се случил на улицата „Благој Стефковски“.

На истата локација се случила и сообраќакна несреќа. Полициски екипи во моментов се на терен и го расчистуваат настанот.

Од МВР велат дека подоцна ќе споделат повеќе информации за настанот.

Дел од медиумите веќе известија дека се работи за нерасчистени семејни односи, а дека престрелката се одвивала низ улиците на Маџари.