Сојузот на стопански комори на Македонија ви ја споделува поканата на НЛП Македонија за „Првата Меѓународна Коучинг Конференција”, организирана од Центарот за бизнис психологија „Системски НЛП – ЈИЕ” и АД ВЕРБУМ Ивенти, на 6 и 7 ноември во Скопје.
Под мотото “Животот е процес, развојот е избор”, ве покануваме да бидете дел од овој интерактивен настан, кој кај вас ќе поттикне трансформација на лично и професионално поле.
Коучингот како методологија му е потребна на секој индивидуалец кој управува со процеси и луѓе.
Затоа коучинг конференцијата ќе вклучи професионални коучи, инспиративни лидери и експерти од различни области на едно место, со цел да ја истакнеме поврзаноста на лидерството и коучингот, да ги приближиме најновите трендови од областа на коучингот и преку вмрежувањето да поттикнеме трансформација.
– За кого е наменета оваа коучинг конференција?
За бизнис професионалци од сите области, основачи на семејни бизниси, професионални коучи, терапевти и психолози, за сите индивидуалци кои сакаат да го збогатат своето знаење и да ја искусат моќта на коучингот.
– Кои се бенефитите од вашето учество на коучинг конференцијата:
Преку интерактивните коучинг презентации и работилници ќе имате можност да научите како поедноставно да се справувате со промени, да ја зајакнете отпорноста и да го намалите стресот, да ја зголемите свесноста за себе и вашето опкружување, да ги менаџирате емоциите, да ја подобрите вашата ментална кондиција и на тој начин да имате поголема самодоверба во водењето на луѓе и процеси.
Делувајќи како катализатор коучингот помага подлабоко да се истражите себеси, дојдете до увиди за своите основни вредности и вашиот потенцијал, што ќе ви помогне да бидете инспирација и мотивација за вашите колеги, ќе ја поттикнете тимската работа, транспарентноста меѓу вработените, нивната продуктивност, посветеност и личен придонес во зголемување на резултатите на организацијата во целост.
Очекувајте 2 дена исполнети со богата содржина, едукативни презентации, инспиративни дискусии и секако забава и дружење.
Повеќе информации за вашата инвестиција и специјалните попусти за учество на овој настан ве очекуваме на број за контакт 078 402 762 и воедно ве покануваме да ја разгледате нашата веб страна: www.coachingconference.mk
Ние веруваме дека коучинг конференцијата ќе ве инспирира и едуцира, воедно и заедно ќе го издигнеме коучингот како професија на највисоко ниво.