263
Пожар во атарот на село Гострижни во Општина Долнени, гори висока сува трева, нискостеблеста деградирана шума и појас со висока дабова и габерова шума, соопшти Центарот за управување со кризи.
-На терен се противпожарни екипи од ЈП Национални шуми и ТППЕ Прилеп, а и дел од противпожарните сили коишто се префрлени од претходната интервенција во истата општина – од пожарот кај село Слепче, соопштија од ЦУК.
Како воздушна поддршка на силите, коишто дејствуваат од земја, е пратен еден противпожарен авион од Дирекцијата за заштита и спасување (ДЗС), за да помогне за прекин на ширење на пожарот во шумскиот дел.