Десетици илјади Шпанци излегоа денеска на улиците на Мадрид за да протестираат против потенцијалниот план на вршителот на должноста премиер Педро Санчез да им даде амнестија на каталонските сепаратисти за да останат на функцијата по изборите што не ги доби. Околу 40.000 приврзаници на опозициската Конзервативна партија (ПП) излегоа на улиците на главниот град од цела Шпанија.
Санчез, чија партија заврши на второто место на изборите во јули, сепак би можел да остане премиер доколку ја добие поддршката од прогонетиот каталонски лидер Карлес Пуџдемонт, чија партија Заедно за Каталонија има седум места во парламентот. Шпанија издаде налог за апсење на Пуџдемон поради обид за отцепување на источниот регион, а како услов за поддршка на социјалистите, тој побара отфрлање на обвиненијата против него и другите сепаратисти.
Алберто Нуњез Фејо, лидерот на ПП, прв на изборите во јули, рече дека никогаш нема да попушти пред барањата на организаторите на нелегалниот референдум за независност во 2017 година. Повлекувањето на обвиненијата би значело давање амнестија на оние кои стојат зад пучот, им рече тој на поддржувачите во Мадрид.