Протест пред Уставниот суд во Белград за поништување на изборите

Пред зградата на Уставниот суд на Србија во Белград се одржа протест поради наводите за нерегуларности и кражба на гласови на изборите одржани на 17 декември.

Протестот го организираше најголемата опозициска коалиција „Србија против насилството“, која претходно поднесе барање до Уставниот суд за поништување на парламентарните избори.

Тоа е последната правна инстанца во Србија откако Републичката изборна комисија ги објави конечните резултати од изборите на 12 јануари, а сите приговори на опозициската коалиција беа отфрлени.

Уставниот суд по правило нема рокови за донесување одлуки.