Сојузот на здруженија на дијабетичари на Македонија најави дека во петок во 19 часот ќе протестира пред Министерство за здравство, бидејќи не добиваат терапија. Тие во соопштение до јавноста велат дека се потрошило нивното трпение и дека поминале сите рокови Министерството за здравство и Владата да им набави инсулин, и дека се чувствуваат изманипулирани што децата со оваа состојба немаат пумпи, сензори и глукомери.
„После најдолгото трпение, најголемата конструктивност, најпосветени за соработка. После многу инвестирање во достоинството наше на лицата со дијабетес завршија сите рокови, логички правни, измислени и смислени манипулации. Заврши времето на лаги и обезличување на 150.000 граѓани, на 45 лица си дијабетес на Инсулин.
Нашето Министерство за здравство и Владата ги манипулираа 700 дечиња и млади со пумпи, сетови за пумпи, сензори, глукомери и со терапија! Имаме најиновативна инсулинска и анти – дијабетна терпаија. Благодариме, НО НЕ ЈА ДОБИВАМЕ! “, стои во соопштението од Сојузот на здруженија на дијабетичари на Македонија.
Од Сојузот велат дека протестот пред Министерството за здравство ќе биде предупредувачки мирен протест за безбеден и квалитетен живот на лицата со дијабетес.
„На овој протест повикуваме на достоинствено однесување, без насилство, нарушување на јавен ред и мир!
СЗДСМ Како организатор, не поддржува и однапред се оградува од какво било насилство, изрази на омраза, повици на немири и нарушувања на јавниот ред и мир!’, соопшти Сојузот на здруженија на дијабетичари на Македонија.
Од Сојузот напоменуваат дека ова е протест на лицата со дијабетес и се оградуваат од какви било други ознаки, присвојувања и обиди за негова инволвиораност во меѓу партиски, политички и други видови на пресметки.
„Сите ќе не почитувате доколку не поддржите во нашите барања“, стои во соопштението на Сојузот на здруженија на дијабетичари на Македонија.