Над 20 познати музички имиња од домашната сцена во недела ќе настапат на градскиот плоштад во Куманово, со почеток од 20 часот, по повод 80 години од ослободувањето на градот и 505 години од формирањето на Куманово.
Помеѓу изведувачите преовладуваат оние од забавната музика, додека пак од фолкерите ќе настапат Наум Петрески и Миле Кузмановски.
Владо Јаневски, ДНК, Тамара Тодевска, Ламбе Алабаковски, Антониа Гиговска, 2 Бона, Слаткаристика, Ивона Јо, Наум Петрески, Маргица Антевска, Пајак, Марио Арангеловски, Куку Леле, Мартија Станојковиќ, Лука Чомбе, Миле Кузмановски, Нино Величковски, Лара Иванова, Мартинијан Кириловски, Шпенд Латифи, ДЏ Боно и Фис бенд се најавените музички гости од поп сцената, а ќе има и огномет помеѓу 21.30 и 22 часот.
Директорот на Фондацијата за култура и спорт при Општина Куманово, Марио Арангеловски, на прес конференција кажа дека овој концепт на прослава само со домашни музичари треба да го преземат и другите општини.
– Искрено се надеваме дека во иднина и другите општини ќе го преземат овој концепт, да се дадат големите финансиски средства на домашни изведувачи, за да пак тие во иднина можат да творат и произведуваат квалитетна музика, порача Арангеловски.
Вики Клинчарова