Пропадна и вториот обид за избор на претседател на Грција

Во грчкиот парламент ниту еден од кандидатите за нов претседател на земјата не успеа да ги собере потребните 200 гласа од вкупно 300 пратеници“ пренесува грчка „АНА-МПА“.

Екс-претседателот на парламентот Костас Тасулас, кој е предложен од Нова демократија, доби 160 гласа.

За Лука Кацели, предложен од СИРИЗА гласаа 40 пратеници.

Кандидатот на ПАСОК, Тасос Јаницис собра 34 гласа, а за Константинос Киријаку, предложен од партијата Ники гласаа 14 пратеници.

Имаше 52 воздржани. Овие резултатите беа исти како и на првото гласање од 25 јануари.

Следното гласање во парламентот во Атина ќе биде на 6 февруари. Тогаш потребното мнозинство за избор на претседател ќе биде 180 гласа.