Девојчето од Криволак, Неготино, кое на втори март неговиот татко го пријавил за исчезнато, вчера било пронајдено од страна на полициски службеници. Од СВР Велес не откриваат повеќе детали за настанот со шеснаесетгодишното девојче, кој го вознемири градот вчера.
Ова не е единствениот случај на исчезнато девојче во Тиквешијата деновиве.
Полицијата од вчера вечер трага по 14-годишно девојче од Скопје, кое исчезнало во Кавадарци.
Вчера во 22.15 часот во Одделението за внатрешни работи во Кавадарци, вработена во Јавната установа Меѓуопштински центар за социјални работи Кавадарци, пријавила дека од ,,Мал групен дом за деца во ризик” во Кавадарци самоволно се оддалечило четиринаесетгодишно девојче од Скопје.
Се преземале мерки за пронаоѓање на девојчето.
Вики Клинчарова