Пронајдени се 250 гробници на имот на Пике

Фудбалерот Жерар Пике пред седум години купил земјиште на Коста дел Сол за да изгради луксузен хотел, за што платил околу 20 милиони долари.

Сепак, проектот е закочен бидејќи на имотот на Пике се пронајдени 250 гробници, па ќе треба да се направат истражувања за да се утврди од кој век се тие.

-Ископавме околу 250 гробници, од кои повеќето се празни – изјавил археологот Алберто Кумпиан.

Тој додал дека можно е гробовите никогаш да не биле користени и да не се доволно вредни за да бидат зачувани.

-Тоа е едно од најголемите гробишта во земјата – додал Кумпиан, пишува Марка.