Променливо облачно време со локален пороен дожд

Времето денеска во Македонија ќе биде променливо облачно со сончеви периоди и нестабилно со локален пороен дожд и грмежи, соопштија од УХМР.

Минималната температура ќе биде во интервал од 11 до 20 степени Целсиусови, додека максималната ќе се движи од 24 до 34 степени.

Во Скопје и во околината времето ќе биде сончево со мала до умерена облачност. Во делови од котлината ќе има услови за краткотраен пороен дожд и грмежи.

УХМР најавува период на претежно стабилно и топло време со умерен, повремено засилен ветер од северен правец.