Владата донесе одлука возачките и сообраќајните дозволи кои треба предвреме да се менуваат, да бидат без надомест, соопшти вицепремиерот Фатмир Битиќи.
– Вториот заклучок е поврзан со МНР кое треба да преземе активности издавањето на патните листови за сите граѓани кои живеат надвор од територијата на Македонија кои имаат потреба да се вратат со патни листови, оој надомест ќе биде бесплатен“ рече тој.
Битиќи додаде дека МНР се задолжило во државите каде што нема ДКП, издавањето да се направи онлајн и да биде испратено по пошта. „Со ова сметаме дека им излегуваме во пресрет на сите граѓани“ рече Битиќи.
Од утре МВР ќе ги издава возачките дозволи и сообраќајните дозволи без надомест.
Битиќи нагласи дека сите вработени во МВР утре ќе добијат по една плата плус во висина на последната исплатена плата.
Оние луѓе кои платиле за вадење на документи после промената на името во Северна Македонија, а добиле обрасци со старото име, се дискриминирани и министерот Битиќи тоа го призна пред новинарите.
– Искрено тие се дискриминирани, оние кои биле совесни и постапиле согласно законските измени, поднееле на време барања за возачки и патни исправи. Мислам дека треба да се најде начин да им се оддолжиме што биле совесни граѓани. Има одредени работи кои за жал ги забораваме. Бевме во период на ковид криза во која најверојатно издавањето на патни исправи не беше прва нужност. Не знам колку од нашите сограѓани мислеа на патување. Мислам дека првите патни исправи се издавани во јули 2021 година и можеби во овој период требаше поголема медиумска кампања – додаде Битиќи.