Во Кривичниот суд во Скопје, зад затворени врати за јавноста, денеска треба да продолжи судењето за случајот „Монструм“, односно за петкратното убиство кај Смиљковското Езеро. Судењето ќе продолжи со презентирање на прислушуваните телефонски разговори и смс пораки на дел од обвинетите, кои одреден период биле под ПИ-Мерки.
За петкратното убиство кај Смилковско Езеро на 12 април 2012 година, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски, на доживотен затвор беа осудени Алил Демири, Африм и Агим Исмаиловиќ, Езим и Хаки Азири и Сами Љута.
Врховниот суд во декември 2017 година ги укина пресудите, ги ослободи од притвор осудените Агим Исмаиловиќ, Хаќи Азири, Сами Љута и Фејзи Азири, и им определи мерки на претпазливост. По укинувањето на пресудите, случајот „Монструм“ го презеде СЈО и предметот беше вратен на повторно судење.
