Продолжува брзото возење во Македонија, полицијата дели казни

Во текот на вчерашниот ден во рамки на спроведената зајакната акциска контрола на територијата на Република Македонија за санкционирање возила кои се движат со брзина поголема од дозволената, казнети се 271 возач.

Од нив, 13 возилa се движеле со брзина над 50 километри на час повеќе од дозволеното, а три возила се движеле со дури над 70 километри на час повеќе од дозволената брзина. Како што денеска информираа од МВР, 89 возачи ја пречекориле брзината во населено место, а 182 надвор од населено место.

Засилените акциски контроли продолжуваат и во наредните денови.