Продолжи со работа собраниската Комисија за случајот Онишченко, Димовски не е присутен

Во Собранието попладнево продолжи затворената седница на собраниската Комисија за надзор над работата на Агенцијата за национална безбедност (АНБ) и Агенцијата за разузнавање, посветена на случајот со доделувањето на македонско државјанство на украинскиот бизнисмен Олександр Онишченко.

Досегашниот директор на АНБ, Виктор Димовски не е присутен на седницата, иако би требало да продолжи со сведочењето за улогата на Агенцијата во безбедносната проверка на Онишченко при давањето на позитивно мислење за добивање македонско државјанство.