Високиот претставник на ЕУ за надворешна политика и безбедност Жозеп Борел денеска изјави дека признавањето на палестинската држава не е подарок за палестинската милитантна група Хамас.
„Признавањето на палестинската држава не е подарок за Хамас, напротив“, изјави Борел, наведувајќи дека палестинските власти не се Хамас и дека, напротив, тие се длабоко конфликтни, пренесе Ројтерс.
Борел истакна дека ЕУ веќе ги финансирала палестинските власти и се сретнала со нив и посочи дека секогаш кога некоја земја ќе донесе одлука да поддржи палестинска држава, Израел тоа го прогласува за антисемитски напад.
Ирска, Норвешка и Шпанија во средата објавија дека ќе ја признаат палестинската држава на 28 мај за да обезбедат крај на израелската офанзива на Појасот Газа и да ги оживеат мировните преговори кои беа во застој пред една деценија.
