Републичката изборна комисија на Србија се уште ги пребројува гласовите и досега се обработени 96,19, односно 95,88 отсто од избирачките места.
На претседателските избори, според првичните резултати Вучиќ, освои 58,55 отсто од гласовите, а опозицискиот кандидат Здравко Понош 18,34 отсто, додека другите шестмина кандидати имаат под 10 отсто од освоените гласови.
На парламентарните избори, пак, листата „Заедно можеме се“ на коалицијата на СНС, според досега пребројаните гласови, има 42,92 отсто од гласовите или 120 пратенички места од вкупно 250.
Првичните резултати покажуваат дека потоа следува опозициската коалиција „Обединети за победа“ со 13,6 отсто од гласовите или 38 пратенички мандати.
Трета е листата на досегашниот коалициски партнер на Вучиќ, Ивица Дачиќ, со 11,51 отсто освоени гласови или 32 мандати.
