Министерството за внатрешни работи соопшти дека денес полицијата уапсила тројца жители на Куманово, кај кои е најдена дрига и пари во различни валути во вредност од 28.000 евра.
„Денеска (полициски службеници од Одделот за криминалистичка полиција при СВР Куманово ги лишиле од слобода Б.П.(29), Г.М.(42) и М.К.(24), сите од Куманово. При претреси на повеќе локации во градот, во домови и други простории што ги користат лишените, извршени со судска наредба, кај нив биле пронајдени хероин, амфетамини, таблетки екстази, пари во износ од 28.000 евра во различни валути, нотарски договори и други предмети поврзани со различни кривични дела“, соопшти МВР.
Од МВР велат дека лицата се приведени во полициска станица и по целосно документирање на случајот против нив ќе следуваат соодветни пријави.