Приведени четири лица во Скопје за дрога

На 08.03.2025 година во 12.35 часот во Скопје, на подрачјето на Кисела Вода, полициски службеници од СВР Скопје го лишиле од слобода М.М.(33) од Скопје затоа што кај него била пронајдена и одземена марихуана.

Во 20.50 часот во Скопје, на подрачјето на општина Аеродром, полициски службеници од СВР Скопје ги лишиле од слобода Д.М.(24) и К.Т.(24) двајцата од Скопје затоа што кај нив била пронајдена и одземена прашкаста материја.

Во 20.15 часот во Скопје, на подрачјето на Карпош, полициски службеници од СВР Скопје го лишиле од слобода Р.Ѓ.(24) од Струмица затоа што кај него била пронајдена и одземена бела прашкаста материја.

По документирање на настаните против сите лица ќе следуваат соодветни пријави.