Приведен српски државјанин, во неговото возило пронајдени седум мигранти од Сирија

На наплатна станица Смоквица денеска лишен е од слобода М.С.(28) од Република Србија. При контрола на патничко возило „форд мондео“ со српска национална ознака, кое го управувал, пронајдени се  седум лица мигранти од Сирија.

Како што соопшти МВР,  М.С. е приведен во полициска станица, а за случајот е известен јавен обвинител и по негово  комплетно документирање ќе биде поднесен соодветен поднесок.

Лицето било лишено од слобода од патролен тим од Полициска станица за граничен премин и граничен надзор Богородица, при РЦ Југ.