Приведен е крадец во Тетово, и ја украл чантата на 32-годишна тетовка

МВР информира дека вчера во 09.40 часот на улица „Маршал Тито“ во Тетово, полициски службеници од СВР Тетово го лишиле од слобода А.С.(35) од тетовско Долно Палчиште.

Тој се сомничи дека претходниот ден на ул. „Борис Кидрич“ во Тетово извршил дрска кражба, при што на П.Ц.(32) од Тетово ѝ одзел чанта со пари и лични предмети.

При преглед кај него биле пронајдени марихуана, ризла и украдените работи, кои подоцна и биле вратени на оштетената.

Тој е задржан во Полициската станица Тетово и по целосно документирање на случајот ќе следува соодветна пријава.