Приватните превозници од утре се враќаат на улица

Од утре приватните превозници се враќаат на скопскиот асфалт.

По денешниот состанок со градоначалничката Данела Арсовска, падна договор во наредните 15 дена да се изготви стручна анализа, со која, ќе се утврди методологија, за пресметка на цената за изминат километар. Новата цена, ќе важи од први јануари.

За приватните превозници ваквото решение е прифатливо и велат дека не им прави разлика дали одлуката за новата цена по изминат километар ќе биде донесена сега или по еден месец.