Пристигна првата реакција на ЕУ на договорот на САД со Украина

Претседателот на Европскиот совет Антонио Коста и претседателката на Европската комисија Урсула фон дер Лајен објавија заедничка изјава во која го поздравија договорот од Џеда за преговорите меѓу САД и Украина.

„Ова е позитивен развој што може да биде чекор кон сеопфатен, праведен и траен мир за Украина“, се вели во соопштението.

Тие додадоа дека „топката сега е на теренот на Русија“, нагласувајќи дека понатамошните чекори ќе зависат од Москва.

Европската унија е подготвена да даде целосен придонес во претстојните мировни преговори, заедно со своите партнери, соопшти Брисел.