Пријава за 18-годишник за тешка кражба

Министерството за внатрешни работи соопшти дека вчера во Радовиш е уапсен млад човек кој извршил тешка кражба во куќа.

-На 21.09.2023 во 22.30 часот во Радовиш, полициски службеници од Полициската станица Радовиш го лишиле од слобода Т.Ј.(18) од Штип. Тој се сомничи дека истиот ден извршил тешка кражба во куќа во Радовиш. Кај него биле пронајдени предмети кои потекнуваат од кражбата и ќе бидат вратени на сопственикот, соопшти МВР.

Од МВР велат дека  Т.Ј. бил задржан во Полициската станица Радовиш, бил запознаен јавен обвинител од Основното јавно обвинителство Радовиш и по целосно документирање на случајот против него ќе биде поднесена соодветна пријава.