Превртен автомобил во Неготино, опожарено возило во Кавадарци

Во раните утрински часови во центарот на Неготино, автомобил се превртел на кров. Неофицијално, според информациите кои ги добивме, возилото со голема брзина се движело од старата чаршија кон центарот, но не успеало да ја фати кривината на крајот од улицата, по што завршило на кровот.

Од СВР Велес се уште немаат официјални информации за настанот, во кој според сведоци, нема жртви.

Во Кавадарци пак синоќа, целосно било опожарено едно возило на улицата ,,Кочо Рацин” на паркингот позади стара ,,Обуќа”. Пожарот бил локализиран од екипите на ТППЕ Кавадарци, а бил извршен и увид од службените екипи. Се работи на расчистување на околностите околу тоа како настанал пожарот.

В.К.