Бројот на луѓе кои илегално влегле во Велика Британија преку преминување на Ла Манш со мали чамци во изминатите пет години надмина 100.000, пренесува Sky News.
Последните податоци на британското Министерство за внатрешни работи покажуваат дека само вчера на Ла Манш биле откриени 755 мигранти, што е највисока дневна бројка досега оваа година.
Според бројките објавени од британската влада во вторникот, 99.960 луѓе го преживеале опасното патување од Франција до Велика Британија од 2018 година.
Кралската национална служба за спасување (RNLI) донесе „десетици“ луѓе на брегот вчера, објави PA, што значи дека прагот од 100.000 најверојатно е надминат.
Бројките покажуваат огромен пораст од година во година, со само 299 пристигнувања на мали бродови во 2018 година, на 28.526 во 2021 година и 45.755 минатата година, пренесува Танјуг.
Сепак, вкупниот број на пристигнувања на мали чамци досега оваа година е за околу 15 проценти помал од бројот во истиот период лани.
Повеќе од 18.600 луѓе го преминале Ла Манш до 10 август 2022 година, во споредба со 15.826 откриени во истиот период во 2023 година.
Најновите бројки ќе бидат удар за британската влада, која оваа недела ја искористи за да се обиде да даде серија тешки најави за илегалната миграција.
Британскиот премиер Риши Сунак го стави запирањето на премините со мали бродови еден од главните пет приоритети на неговата влада, но неговите планови за сузбивање на илегалната имиграција наидоа на тешкотии.
