Премиерот домаќин на лицата со попреченост, подготвуваше храна со „Ретвитни оброк“

Премиерот Зоран Заев денеска по повод Меѓународниот ден на лица со попреченост беше домаќин во Владата на 30 лица со попреченост и нивните семејства.

Исто така, во Владата денеска се пакуваше храна заедно со иницијативата „Ретвитни оброк“ која им се дели на бездомниците и сиромашните.

-Ги разгледавме Свечената сала и изложбите “Гуш и бац” инспирирана од зборовите на Ерато Кардула и “Зајдисонца” на Коста Ќука од Битола. На крајот од оваа убава дружба, заедно со #РетвитниОброк, пакуваме храна која ќе ја доставиме до оние на кои им е најпотребна. Попреченоста не смее да биде пречка за да постојано помагаме на ранливите, напиша Заев на својата Фејсбук страница.