Преку телефонска епидемиолошка анкета матичниот лекар ќе ви каже дали треба да се тестирате на корона вирус

Епидемиологот Владимир Микиќ од Институтот за јавно здравје во вечерашното гостување на телевизија Телма рече дека матичните лекари врз основа на телефонска епидемиолошка анкета ќе одредуваат дали пациентот треба да биде повикан на тестирање на корона вирус.

-Во изминативе денови работевме на систем во кој можеме да ги вклучиме и матичните лекари и како тие би можеле да ги препознаат симптомите. Подготвени се специјани упатства и алогоритми. Не само за симптомите, туку и за можната изложеност, каде се движеле, со кого биле во контакт… Врз база на таа кратка епидемиолошка анкета, алгоритмот го дава одговорот дали пациентот треба да биде тестиран, рече доктор Микиќ.