Пратениците се вакцинираат со „Спутник В“

Во салата „А1 арена“ утрово почна вакцинацијата на пратениците. Тие, како што соопшти министерот за здравство Венко Филипче, се имунизираат со вакцината „Спутник В“.

-Денеска, како дел од вработени во критична инфраструктура, ќе се вакцинираат пратениците и дел од стручните служби што не се вакцинираа претходниот пат. Ќе ја примаат вакцината на „Спутник“ и денеска процесот е организиран во три групи. Паралелно со нив, во салата тече и вакцинацијата на постарите граѓани над 73 години, рече Филипче.

Претседателот на Собранието Талат Џафери очекува дека по имунизацијата, понатаму и со втората доза, работата на законодавниот дом да се врати во нормала.