Пратеници од ЕП ја повикаа Србија да го овозможи одржувањето на Европрајд

Околу 150 пратеници на Европскиот парламент (ЕП) денеска ги повикаа српскиот претседател Александар Вучиќ и премиерката Ана Брнабиќ да овозможат одржување на парада на гордоста, како дел од паневропската ЛГБТИ манифестација „Европрајд“, наведувајќи дека забраната за тој собир не е решение независно заканите упатени кон учесниците.

Потписниците на писмото бараат од српските власти, покрај одржувањето на Европрајд како што е планирано, дополнително да се заложат за распоредување на доволно органи за спроведување на законот на настанот и да им се овозможи на учесниците безбедно да го остварат своето право на мирен собир и слободата на изразување.