Познато е колку време ќе паузира Роналдо

Кристијано Роналдо ќе пропушти една до две седмици поради повредата што ја претрпе на квалификацискиот натпревар со Србија синоќа во Лисабон.

Португалецот заработи повреда на задниот дел на бутот и беше заменет во 30 минута.

– Не сум загрижен, бидејќи го познавам моето тело. Ќе се вратам на теренот за една или две седмици, изјави Роналдо за „Скај Спортс“.

Доколку се исполнат очекувањата на Роналдо, тој би можел да настапи за Јувентус во првиот меч на четвртфиналето на Лигата на шампионите со Ајакс. Овој меч е закажан за 10 април во Амстердам.