Позицијата прв вицепремиер не е законски регулирана, признава Меџити

Изет Меџити, прв вицепремиер и министер за животна средина, во вечерашното интервју во „Топ тема“ на ТВ Телма, истакна дека неговата функција е регулирана со Деловникот на владата.

За изјавата на премиерот Христијан Мицкоски која се однесуваше на „џентлменскиот договор“ за функцијата прв вицепремиер во владата, Меџити со одговор:

„Имаме договор. Јас сум првиот вицепремиер и тоа го објасни и премиерот. Точно е дека законски не е регулирано тоа. И во минатото, првиот вицепремиер не бил законски, но тоа е регулирано со Деловникот на владата, во кој е точно утврдено дека постои прв вицепремиер и дека тоа сум јас”, рече Меџити.