Пожар во „Ист гејт“ – се запалила вентилацијата во еден од рестораните

Пожар утринава ги вознемири вработените и посетителите во скопскиот трговски центар Ист Гејт.

Според засега неофицијални информации, пожар избувнал во еден од рестораните во објектот, а наводно се запалила вентилацијата.

Молот во моментот е празен, евакуирани се посетителите и персоналот, кои чекаат дозвола за враќање на своите работни места.

Ѕвонко Томевски, командант на Противпожарната бригада на Град Скопје, за дел од медиумите ја потврди информацијата и посочи дека во моментов пожарникарите се обидуваат да го решат настанатиот проблем кај еден од рестораните во трговскиот центар.