Повредил роднина додека го чистел пиштолот

Во кумановската болница вчера била донесена 40-годишната Г.Т.(40) од САД со повреди од огнено оружје.

Како што информираат од МВР, по преземени мерки и извршени разговори дојдено е до сознание дека нејзин роднина Ш.М.(30) од село Оризаре, општина Липково, додека го чистел службениот пиштол, ненамерно испукал куршум и ја повредил.

За настанот бил запознаен јавен обвинител, а увид извршила екипа на СВР Куманово.